نكت انشاله اتكون جديد

قريت هذون les blagues و عجبوني ما نيش عارفة صح جدد ولا أنا لي بيريمي، المهم ان شاء الله يعجبوكم
-قالك واحد في حياتوا ما راحش لعرس وهو انسان نية بزاف واحد النهار عرضوه لعرس مطرطق يعني فور بزاف ايا في العرس مول dj كان داير الغنية نتع ( هو السراق والله ما أنيا ) و كي كان المغني يقول هو السراق مول dj ينقص للغنية والغاشي يعاود موراه والله ما أنيا المهم بقاو هكذاك حتى خلاصت الغنية
السيد كي رجع للبلاد سقساوه صحابوا وش العرس مليح عجبك قالهم فور بزاف عجبني بصح
مول dj ما نعرف وش سرقولوا بايت يحلف فينا
- قالك واحد مسمار الدورو يموت عليه وحد النهار شرى حبة بنان ما فيهاش التيكي قال للخضار اعطيني التيكي ندفعوا للكازورال
-قلك واحد حابس راح يدير السكنار على راسو فكتبلو السكنار NO DISK
-قلك واحد حابس جاء يذبح جاجة تاع تريسينتي .راح طفى الكونتو
- قلك واحد حابس خلاصتلو القرعة تاع الغاز أيا عضها
- قالك واحد ماجاهش النعاس رقد و خلاه
- قالك خطرة واحد بلع نص حبة كاشي نتاع الرقاد رقد بعين وحدة
- واحد حابس إشترى بورتابل و حب يدخل الكارطة ماحبتش تدخل أيا دخل البارمي
- قلك واحد حابس إشترى تلفاز جديد كي شعلو في الدار صاب تلعب مقابلة في كرة القدم فراح جاب بيدون تاع ماء وفرغو عليه وقال للتلفاز :أيا كل واحد يروح يلعب قدام دارهم.
- واحد حب يشري سروال لوبيا مالقاش شري سروال عدس
- قالك واحد حابس راح للفارماسيان باش يشري الدواء ..الفارماسيان أعطالو كاشيات و قالو :2 حبات مور القهوة
السيد راح ثم رجع وقال للفارماسيان : خويا معليش نشربهم مور الريستورو
- واحد النهار غبي دخل يشري عصير قال لمول الحانوت .اعطيني jus d'orange تاع الخوخ
- قالك الحمار عرض الحمارة لدارو كي دخلت الحمارة شافت الحمار معلق صورة الحمار الوحشي و سقساتوا : شكون هذا فقالها الحمار :هذا عمي كي كان يلعب في جوفانتوس


ياسر عليكم