منتديات قالمة

أهلا و سهلا بك

نتمنى أن تكون في تمام الصحة و العافية

رحلة موفقة في منتدياتنا الغالية


نتمنى لك كل المتعة و الترفيه و الإستفادة


ــــــــــــ منتديات قالمة ترحب بالجميع ـــــــــــــ
منتديات قالمة

منتديات كل الجزائريين و الجزائريات


    تعلم من تحب

    شاطر
    avatar
    قالمية ونص
    مشرفة منتدى الشعر و الخواطر
    مشرفة منتدى الشعر و الخواطر

    عدد المساهمات : 765
    تاريخ التسجيل : 20/08/2010
    العمر : 24

    موضوع عادي تعلم من تحب

    مُساهمة من طرف قالمية ونص في الثلاثاء يناير 25, 2011 9:07 pm

    تعلم من تحب ■♠











    قصيدة الحب


    يا للي سألتني عن الحب وقلتلي بالله خويا وعلاه
    ما تحاولش كاش ما تكتب وتقولي برك وين نلقاه
    عييت نقلب شرق وغرب وين يقولولي نستناه
    لقيتو كامل كذب في كذب ما تلاقيتو ماعرفت معناه
    لا قريب و لا صاحب ولا حبيب تعيش معاه
    حياتي كامل وأنا نجرب واحد ما لقيتو يسواه
    مانيش فاهم هذا القلب وكأنو ضد مولاه
    يحب يشقى يحب يتعذب يحب الواحد لي ينساه
    وساعات تلقاني نحب لي يكرهني نجري موراه
    ولي يحبني و ليا يقرب نهرب عليه مافهمتش علاه
    حاول خويا كاش ماتكتب الجواب راني نستناه
    لله احكيلي على الحب وقولي برك وين نلقاه
    راح نحاول باش نجاوب كيفا ش انا نشوف معناه
    ودير في بالك هاذ الحب مراكش وحدك حاصل معاه
    شحال من واحد راه يتعذب والحل ديالو مزال ما لقاه
    مايفيدوش معاه تجارب مايفيد ملك ولا جاه
    إذا فات سكن فالقلب يولي يسير في مولاه
    شحال طوع من محارب وحسرة شحال من فارس بكاه
    شحال مسلطان عشى مذبذب سمح في ملكو وراح معاه
    شحال من بيت عشى رايب دخل فرق ناسو وخلاه
    وحصرا شحال من واحد هرب وخلى ولادو يبكو موراه
    شحال من شاب شحال من شايب شحال من واحد الحب عماه
    شحال من شاب شحال من شايب شحال من واحد الحب عماه
    لحق حتى ولا يضرب ولادو ،زوجتو أو يمّاه
    يالي سألتني على الحب على ما نضن والعلم لله
    قلبك هو اللّي راه مخرب وما راكش عارف حتى وين راه
    دير في بالك ذاك الحب الي يهرب و تجري موراه
    و لما يجري أنت تهرب عمرك ما راح تتلاقى معاه
    على خاطر هذاك لعب مديور للي يتبع هواه
    ما تنال منو غير التعب ديرو كيما خيالك و انساه
    فرغ قلبك و عاود رتب و خلي عقلك يخدم معاه
    و قبل ما تحب لازم تحسب باش كي تمدو تمدو لمولاه
    هيا نبداو من أول حب ….أول حب هو الله
    الي عطالك هذاك القلب الي راك تحوس باش تملاه
    و لوكان برك ليه تقرب أقرب منك رايح تلقاه
    كلما تحصل قولو يا رب وهو يقولك راني الاه
    و بعدو يجي ثاني حب هو حبيبنا و حبيب الله
    عليه الصلاة و السلام تعب باش صفى قلبك او نقاه
    حبو عليا و عليك واجب سعدو الواحد للي بغاه
    يحشر المرئ مع من احب تخيل روحك قاعد معاه
    و من بعدو يجي ثالث حب أنه الواحد يحب يماه
    تسع شهور و هو يتقلب وهي مسكينة تتقلب معاه
    سنين و سنين و هي تتعذب وين يطيح يلقاها حداه
    حتى نهار يولي شايب يبقى طفل في عيون يماه
    ومن بعدها يجي رابع حب أنو الواحد يحب باباه
    لأنه خرج من بين الصلب و الترائب الي جواه
    شحال شقى و شحال تعذب باش كبر و باش رباه
    ابن ادم وكل ما كسب هو ومالو ملك له
    و من بعد خامس حب هو الشريك لي تعيش معاه
    دير في بالك نهار تتحاسب نصف الدين هو تلقاه
    تعيش معاه بلي كتب و تتقاسمو كل شي انت وياه
    وتتعاشرو و معاه تنجب طفل صغير لعقايب تلقاه
    وهذاك الطفل سادس حب ماتحبش ولد دون سواه
    سبعة داعب و سبعة أتعب و سبعة صاحب دور معاه
    ومن بعد يجي سابع حب من رحم واحد انت وياه
    خوك خوك لايغرك صاحب حتى الصاحب في الشدة تلقاه
    وهذاك الصاحب ثامن حب تتقاسمو كل شي انت وياه
    تتعاشروا فالخير والواجب يظللكم ربي انت وياه
    وتاسع حب هوما الأقارب الرحم ديالك ما تنساه
    ومن بعد يجي عاشر حب جارك الي تسكن حداه
    والمريض لي راه يتعذب دقيقة واحدةاقسمها معاه
    طل عليه إذا كان تحب ربي سبحانه ثم تلقاه
    او اليتيم الي فقد الأب ولا حتى الي فقد يماه
    امسحلو راسو وابدا تحسب في كل شعرة أجر تلقاه
    والفقير الي ما كسب و الي ما لحقش قوت عشاه
    واش راك تاكل واش راك تشرب ؟ يالوكان خبزة اقسمها معاه
    ومن بعدهم تقدر تحب كل مومن في طريقك تلقاه


    لانو ربي سبحانو كتب المومنين خاوة في الله
    يالي سالتني على الحب بالنسبة ليا هذا معناه
    ايلا ما عجبكش الله غالب روح تحوس وين تلقاه

    ولا أروع
    أرجوا أن تنال اعجاب الجميع..




    avatar
    hassane1984
    مشرف المنتديات الدينية
    مشرف المنتديات الدينية

    عدد المساهمات : 1461
    تاريخ التسجيل : 26/04/2010
    العمر : 33
    الموقع : قسنطينة مدينة الحب

    موضوع عادي رد: تعلم من تحب

    مُساهمة من طرف hassane1984 في الأربعاء يناير 26, 2011 2:17 am

    تحية عطرة مزركشة بالوان الصباح

    ومساءات الشروق لغروب شمس الضحى


    نعم الكلام ما كتبتي هنا

    عن الحب؟

    تسقسيو على الحب؟ عندي الجواب هنا تلقاه

    الحب نعمة من عند الله من طاح فيه ابلاه

    بلاه بالجمال والصدق وبالايمان امتلاه

    الحب مش كلمة تقال ولا فعل يؤدي معناه

    الحب بذرة يزرعها ربي في قلب يا محلاه

    الحب له معنى كبير كبير ما حد يفهم مغزاه

    الي فهم مغزى الحب يهز يديه للسماء ويقول يالله

    اني احبك واحب نبيك واحب من احبك واحب كل شيء يقربني الى حبك

    avatar
    Helio_24
    نائب المدير
    نائب المدير

    عدد المساهمات : 1549
    تاريخ التسجيل : 04/07/2009
    العمر : 25
    الموقع : www.guelmaforum.yoo7.com

    موضوع عادي رد: تعلم من تحب

    مُساهمة من طرف Helio_24 في الأربعاء يناير 26, 2011 10:08 am

    good

    ساندي
    عضو نشيط
    عضو نشيط

    عدد المساهمات : 592
    تاريخ التسجيل : 28/12/2010

    موضوع عادي رد: تعلم من تحب

    مُساهمة من طرف ساندي في الأربعاء يناير 26, 2011 2:40 pm

    ثانكس
    avatar
    قالمي و افتخر
    عضو
    عضو

    عدد المساهمات : 229
    تاريخ التسجيل : 07/11/2010
    العمر : 22

    موضوع عادي رد: تعلم من تحب

    مُساهمة من طرف قالمي و افتخر في الأربعاء يناير 26, 2011 2:56 pm

    احسنت بارك لله فيكي Bisous
    avatar
    قالمية ونص
    مشرفة منتدى الشعر و الخواطر
    مشرفة منتدى الشعر و الخواطر

    عدد المساهمات : 765
    تاريخ التسجيل : 20/08/2010
    العمر : 24

    موضوع عادي رد: تعلم من تحب

    مُساهمة من طرف قالمية ونص في الأربعاء يناير 26, 2011 3:18 pm

    Bisous Bisous الله يخليكم
    بالاخص الاخ حسان Bisous
    avatar
    MAYLO
    عضو فعال
    عضو فعال

    عدد المساهمات : 837
    تاريخ التسجيل : 16/11/2010

    موضوع عادي رد: تعلم من تحب

    مُساهمة من طرف MAYLO في الخميس يناير 27, 2011 7:52 pm

    عادة لا أحب الشعر الملحون...لكن كما يقال لكل قاعدة استثناء...
    و في حالتي أنت الإستثناء يا فتاة....دون مجاملة..كلامك يدخل السكينة إلى قلبي..ما شاء الله عليك
    avatar
    الحمامة الجريحة
    عضو
    عضو

    عدد المساهمات : 83
    تاريخ التسجيل : 17/01/2011
    الموقع : الحياة

    موضوع عادي رد: تعلم من تحب

    مُساهمة من طرف الحمامة الجريحة في الجمعة فبراير 04, 2011 5:19 pm

    واو مبدعة حقا سلمت يداك و احاسيسك و طريقة تفكيرك مزيد من النجاح ان شاء الله. good
    avatar
    قالمية ونص
    مشرفة منتدى الشعر و الخواطر
    مشرفة منتدى الشعر و الخواطر

    عدد المساهمات : 765
    تاريخ التسجيل : 20/08/2010
    العمر : 24

    موضوع عادي رد: تعلم من تحب

    مُساهمة من طرف قالمية ونص في الأحد فبراير 06, 2011 10:26 pm

    MAYLO كتب:عادة لا أحب الشعر الملحون...لكن كما يقال لكل قاعدة استثناء...
    و في حالتي أنت الإستثناء يا فتاة....دون مجاملة..كلامك يدخل السكينة إلى قلبي..ما شاء الله عليك
    عجز لساني عن الرد على الرد
    مشكوررررر
    avatar
    قالمية ونص
    مشرفة منتدى الشعر و الخواطر
    مشرفة منتدى الشعر و الخواطر

    عدد المساهمات : 765
    تاريخ التسجيل : 20/08/2010
    العمر : 24

    موضوع عادي رد: تعلم من تحب

    مُساهمة من طرف قالمية ونص في الأحد فبراير 06, 2011 10:39 pm

    الحمامة الجريحة كتب:واو مبدعة حقا سلمت يداك و احاسيسك و طريقة تفكيرك مزيد من النجاح ان شاء الله. good
    مشكورة حبيبتي الله يخليكي مزيد من التالق لكي ولي ان شاء الله Bisous Bisous Bisous

      الوقت/التاريخ الآن هو الجمعة أغسطس 18, 2017 5:54 am